И повторно денес пред охридските банки можеше да се забележи голема гужва без почитување на ковид мерките, пензионерите побрзаа да ја извадат еднократната помош од државата пред празниците.
Помошта првично беше наменета за купување македонски производи и тоа само за плаќање со картичка, но ваквата одлука е променета, па граѓаните сега парите може да си ги подигнат и во готовина, а со нив да купуваат и други производи што не се домашни или да плаќаат за други услуги.
Граѓаните реагираат, надлежните се бранат дека мора да се почитуваат мерките. Граѓаните се жалат дека чекаат со саати, а некогаш и денови да дојдат на ред за да подигнат пензија, платат сметки или да ја земат помошта од државата, a денес бевме сведоци како се онесвести повозрасен господин пред самата банка…
фото news1
