Пронајдено е телото на мажот што вчера исчезна во Дренска Река, потврдија од полицијата. Засега повеќе детали за случајот нема.
Мештанин на селото Дрен за МИА рече дека цела вечер полиција, мештани и други луѓе учествувале во потрагата по течението на реката.
„Дренска Река вчера многу надојде наеднаш. Човекот бил уште со двајца други. Сакале да ја поминат реката со џипот. Реката го завлекла џипот. Другите двајца се спасиле“, раскажал еден од ретките жители на селото за МИА.
Од официјални извори дознаваме и дека сега починатиот бил и сопственик на бензинската пумпа ”Ангел Петрол”
