12.7 C
Ohrid
понеделник, мај 17, 2021
Почетна Македонија Мицкоски: „Не знам кој претседател на ВМРО-ДПМНЕ организирал повеќе протести од мене.

Мицкоски: „Не знам кој претседател на ВМРО-ДПМНЕ организирал повеќе протести од мене.

Translate (Eng):[gtranslate]

Претседателот на ВМРО-ДПМНЕ, Христијан Мицкоски, во вечерашното гостување на емисијата „Прашањето ми е следно“ на порталот „Инфомакс“ изјави дека „не знае кој претседател на ВМРО-ДПМНЕ организирал повеќе протести од мене“. Одговорот го даде на прашањето на водителот, дека многумина му забележуваат дека е „многу млак“ во јавните настапи и дека партијата не протестирала за клучни процеси.

„Организиравме протести целиот овој период. Јас не знам кој претседател на ВМРО-ДПМНЕ организирал повеќе протести од мене. Да се навратиме, какви беа протестите од 1990 до 1998? Какви беа од 2002 до 2006? Јас имам повеќе од 150 јавни настапи во овие три години откако сум претседател на ВМРО-ДПМНЕ. Протестиравме и против Преспанскиот договор и договорот за Бугарија… Двапати организираме над 30 000 луѓе пред Влада во овој период. А замислете, ние сме партија која има неколку илјади членови под политички прогон, десетици илјади кои се под мобинг во државните институции…“

Запрашан за тајмингот кога се организирале протестите, Мицкоски одговори дека партијата реагирала навремено, како на пример додека траеја преговорите со Бугарија. Но, потсети и дека како политичар, тој мора да носи одлуки согласно сите информации кои ги има. Објасни дека партијата ќе продолжи да протестира за национали теми, како преговорите со Бугарија, но и дека тоа не е ексклузивна тема за ВМРО-ДПМНЕ тука за сите граѓани. Најави и протести против образовните реформи, за здравството и за воздухот.

РЕКЛАМА
- Реклами -