Херојски потег на седумгодишно момче, кое се вратило во запалениот дом во Тенеси за да ја спаси својата помала сестра откако се запалила нивната семејна куќа.
Малиот Ели Дејвидсон скокнал преку прозорецот во спалната соба на неговата мала сестра откако неговите родители не успеале да го спасат 22-месечното девојче одвнатре.
Нивната мајка, Никол Дејвидсон, вели дека се разбудила рано утрото на 9 декември од мирисот на чад и наскоро нивната куќа била зафатена од пламен. Никол и нејзиниот сопруг Крис, двајцата поранешни пожарникари, прво се обиделе да го спасат Ели и неговиот 2-годишен брат Елаја, со оглед на тоа што нивната соба била најблиску до пожарот.
Но, чадот и огнот биле толку силни што повеќе не можеле да стигнат до собата на малата Ерин. “Излеговме да дојдеме до неа од прозорецот, но немав на што да стојам за да стигнам горе. Го зедов Елаја кој влезе низ прозорецот и успеав да ја грабнам од креветчето”, изјави Крис за телевизијата WVLT.
Тој вели дека не може да биде повеќе горд на својот син. „Бев исплашен, но не сакав сестра ми да умре“, рече храброто 7-годишно дете.
Иако никој од семејството не е повреден во пожарот, целата куќа на семејството од Тенеси изгорела во пожарот. Кампањата за семејна помош GoFundMe е започната минатата недела и веќе собрани повеќе од 330 000 долари.
Причината за пожарот сè уште не е утврдена.
сакразам.нет
