-6 C
Ohrid
недела, јануари 17, 2021
Почетна Македонија МВР постапува по случајот со снимката од насилници во автобус на ЈСП...

МВР постапува по случајот со снимката од насилници во автобус на ЈСП од кои било побарано да носат маски

Translate (Eng):[gtranslate]

Полицијата постапува по случајот со двете лица кои во автобус на ЈСП реагираат насилно и им се закануваат на патниците, откако им било посочено да стават маски на лицето. Видеото попладнево осамна на социјалните мрежи, но засега нема информации кога е снимано, ниту пак на која линија сообраќал автобусот во моментот.

На него се гледаат две лица со маски под брадите како агресивно реагираат кон останатите патници. “ЌЕ ТРЕБА НЕКОМУ ГЛАВАТА ДА МУ ЈА ИСЕЧАМ”, вели еден од нив на почетокот на видеото.

„Значи маска, абе нема држава, ќе работи државата за мене и полиција. Немој госпоѓо… Ќе те носам у киселина, ќе те топам, не знаеш со кого имаш работа…“

РЕКЛАМА

Според објавеното, заканите следуваат откако лицата биле предупредени да стават маски додека се во автобусот.

“Жена во години им вели да стават маска, тие ја тепаат! Се закануваат на пола автобус дека ќе му сечат глава и дека ќе ги ставаат во киселина! На крај ја напаѓаат девојката која снима”, се вели во статусот објавен на Твитер.

Ние сме верници, вие не сте, вели еден од нив, продолжувајќи го вербалниот конфликт со остантите патници. Видеото предизвика реакции на социјалните мрежи попладнево, со осуда кон агресивните патници.

Од МВР соопштија дека се запознаени со инцидентот и дека работат на расчистување на случајот.
сител

- Реклами -