Индонезиските власти го лоцираа местото на несреќата на патничкиот авион Боинг 737, а спасувачите ги пронајдоа багажот и деловите од телата на патниците.
Донесени 3 вреќи со остатоци од авионот и 5 вреќи со делови од телата на жртвите.
Во авионот на компанијата „Сирвиџаја ер“ имало 62 патници и членови на екипажот, кога тој исчезнал од радарот кратко по полетувањето од Џакарта. Тој бил на пат кон провинцијата Калимантан.
Властите денес ги регистрираа сигналите и ја пронајдоа црната кутија во авионот
Повеќе од 10 брода се наоѓаат на местото на несреќата, како и поморски нуркачи.„Откривме сигнали на две точки, ова може да биде црна кутија“, изјави шефот на индонезиската агенција за пребарување и спасување, Багус Пурухито, пренесува Би-Би-Си.
Истражителите започнале со анализа на предмети за кои веруваат дека се остатоци од авионот, вклучувајќи ги и тркалото и дел од трупот.
Портпаролот на полицијата во Џакарта, Јусри Јунус изјави дека агенцијата за потрага и спасување пронашла две торби.
„Првата торба содржеше личен багаж на патниците, додека втората имаше делови од телото. Ние сè уште ги идентификуваме овие откритија“ – им рече Јунус на новинарите.
Акцијата за пребарување и спасување беше прекината синоќа, но продолжи рано утрово. Во акцијата е вклучена и авијацијата.
