21.9 C
Ohrid
вторник, јули 27, 2021
Почетна Македонија Жител на Берово лажел дека е киднапиран, при што побарал 10.000 евра...

Жител на Берово лажел дека е киднапиран, при што побарал 10.000 евра од својот татко за да биде ”ослободен”.

Translate (Eng):[gtranslate]

На 15.01.2021 полициски службеници од Одделението за внатрешни работи Берово го лишија од слобода М.П.(29) од с.Будинарци, беровско, поради постоење основи на сомнение дека сторил кривично дело „изнуда“. Тој во текот на вчерашниот ден самоволно измислил и фингирал сопствено наводно грабнување, за кое изјавил дека го сторил од финансиски причини.

Неговиот татко Д.П.(57) вчера околу 18:00 часот во Надворешната канцеларија за криминалистички работи Берово пријавил дека добил СМС-порака од телефонот на неговиот син, со која се барало изнуда од 10.000 евра за да биде пуштен неговиот син.

Според пријавеното, порака со слична содржина на Messenger добила и неговата снаа М.П. Во координација со Јавен обвинител и во соработка со полициски службеници од СВР Штип биле преземени мерки и активности, а на разговор биле повикани Љ.П., брат на пријавениот и М.П., сопруга на пријавениот, чиј мобилен телефон со потврда бил привремено одземен.

РЕКЛАМА

Малку подоцна Д.П. пријавил дека откако ги оставил парите на наведената локација, М.П. се вратил дома, по што и тој бил повикан на разговор во просториите на ОВР Берово, при што го признал делото, а предметните парични средства биле пронајдени и вратени на неговиот татко.

По целосно комплетирање и документирање на настанот, до Основното јавно обвинителство Кочани ќе биде изготвен и доставен поднесок по чл.258 од Кривичниот законик – „изнуда“.

- Реклами -