6.1 C
Ohrid
петок, март 5, 2021
Почетна Македонија ''Цутиме'' Со гаранција од 300.000 евра излезе од затвор кумот на Никола...

”Цутиме” Со гаранција од 300.000 евра излезе од затвор кумот на Никола Груевски

Translate (Eng):[gtranslate]

Со гаранција од над 300 илјади евра Ристо Новачевски си ја „купи“ слободата во истрагата „Плацеви на Водно“. По нецели три месеци излегол од притвор, дознава ТВ24.

Двата стана во Скопје, одземениот пасош и обврската да се јавува судот биле доволни за да се обезбеди негово присуство, проценило Обвинителството кое дало позитивно мислење. Новачевски кој на јавноста е познат како кум на Никола Груевски со кого заедно се осомничени за перење пари, излегол од затворот после Нова Година, потврдија за ТВ24 и од Кривичен суд и од Обвинителството.

– По поднесено барање од страна на осомничениот Р.Н и добиено позитивно мислење од јавен обвинител од ОЈО-ГОК, судија на претходна постапка одлучи да биде прифатено барањето и осомниченото лице да излезе од притвор со гаранција. – велат од Кривичен суд.

РЕКЛАМА

Уште во октомври, Новачевски беше единствен за кого се бараше притвор, од вкупно шестмина осомничени меѓу кои и бизнисменот Орце Камчев. За останатите веќе имало други поблаги мерки, објаснија тогаш од Обвинителството. Образложението за Новачевски дека мора да оди во притвор беше стравот од бегство, да не побегне како кумашинот азилант во Будимпешта.

Истрагата за Плацевите на Водно се ближи кон крајот, брифираат извори од обвинителството. Земјиштето кои Никола Груевски го меркал и го купил за себе со 1,3 милиони евра, пари на партијата е под мраз, а според нашите извори во истрагата останал опфатен и друг имот. Ова за прв пат го откри државниот обвинител Љубомир Јовески во интервју за Тв24 во октомври.

- Реклами -