Откако деновиве беше објавено дека неколкумина вработени во општина Лозово се жалат на мобинг од страна на општинската управа, денеска реагираше премиерот Зоран Заев.
Како што појасни Заев, лично разговарал со градоначалникот на Лозово, Ацо Велковски и побарал објаснување.
„Лично разговарав со него и секако добив соодветно објаснување и корекции за одредени работи. Јас сум служител на сите граѓани и сакам да бидам секогаш во нивна заштита. Оваа недела сигурно ќе реагирам зашто јас сум служител на сите наши граѓани и сакам да бидам секогаш во нивна заштита. Секако, граѓанин е и градоначалникот, но тој извршува сериозна и одговорна функција. Не знам детали, не можам да инсинуирам било што, но дефинитивно ќе се информирам за случајот и ќе дадам дополнително коментар“, изјави Заев, пренесува „Фокус“.
