Македонија ќе добие помош од Србија во снабдувањето со вакцини. Најпрво од северниот сосед Македонија ќе добие 8.000 вакцини од Фајзер, а потоа можеби и од другите произведувачи, изјави премиерот Зоран Заев.
Заев изјави дека ја прифатил понудата за помош од Србија и го поздрави потегот на српскиот претседател, нарекувајќи добар знак за солидарност.
“Последната недела бараме поддршка и од други земји, за можеме да почнеме побрзо, додека да дојдат првите 5.850 дози во февруари. Сакам да ја споделам оваа убава вест со граѓаните, ја прифативме помошта од Србија и претседателот Вучиќ. Денеска зборувавме со претседателот Вучиќ, и тие прифатија да ни помогнат”, изјави Заев пред кривичниот суд, пренесува “A1он”.
Вучиќ понудил вакцините да се доделат како донација, но македонската страна инсистирала да ги плати, па дошло до договор Македонија да ги земе вакцините по набавна цена.
