24.9 C
Ohrid
четврток, јули 29, 2021
Почетна Македонија Во Теарце оддадена почит на загинатиот полицаец Момир Стојановски- кукавички убиен...

Во Теарце оддадена почит на загинатиот полицаец Момир Стојановски- кукавички убиен од УЧК во 2001 год

Translate (Eng):[gtranslate]

Утрово во Теарце делегација на Достоинство положи цвеќе пред објектот на полициската станица која на денешен ден во 2001 година, во 2 часот по полноќ беше нападната со рачен ракетен фрлач и рафали од автоматско оружје, што се смета за прв напад на тогашната ОНА и почеток на војната во Македонија. Во нападот животот го загуби полицаецот Момир Стојановски, а тројца негови колеги беа ранети. За ужасот од таа вечер говореше Јахи Лика, еден од ранетите полицајци.

Во делегацијата предводена од претседателот на Достоинство Стојанче Ангелов беше и полицаецот Јахи Лика, кој таа ноќ беше ранет.

РЕКЛАМА

Пред приситните на настанот, кој се одржа пред објектот на полициската станица, кој денес е урнатина и е во приватна сопственост, за настаните од таа ноќ говореше Јахи Лика. Тој со болка говореше за својот колега Стојановски кој загина во нападот и кој се смета за прва жртва на конфликтот. Лика потсести на ужасите на војната и говореше и за правата на полицајците и бранителите од тој период. Самиот тој, како што рече, не е обесштетен.

Утредента по овој напад, како што потсети Ангелов, таканаречена ОНА, односно УЧК, ја презеде одговорноста со нивно соопштение број 4.

„УЧК наведе дека нивна специјална единица, поддржана од набљудувачи ја нападна со рактени фрлачи и автоматско оружје славомакедонската полициска станица во тетовско Теарце и дека нападите на славомакедоската униформа ќе продолжат додека не се ослободи албанскиот народ“, рече Ангелов.

Достоинство денеска и во Скопје оддава почит на бранителите од воениот конфликт од 2001 година, пред споменикот во паркот „Жена борец”.

Претседателот на Достоинство Стојанче Ангелов најави повеќе актоивности за одбележување на значајни настани во текот на годината по повод 20 години од конфликтот под наслов „Да не се заборави за да не се повтори”.

- Реклами -