11.2 C
Ohrid
понеделник, мај 10, 2021
Почетна Македонија Некој фрлил жар и пепел во велешки подземен контејнер, при што предизвикал...

Некој фрлил жар и пепел во велешки подземен контејнер, при што предизвикал пожар.

Translate (Eng):[gtranslate]

Наспроти упатствата за користење на новите подземни контејнери, за собирање на смет, некој велешанец, во еден од нив фрлил жар па истиот се запали. Станува збор за подземниот контејнер кај поранешна НА-МА, во центарот на градот.

Поради ова морала да интервенира и екипа на велешката пожарна и едно возило на ЈКП Дервен. Од таму потврдија дека поради оган во подземен контејнер имале интервенција. При поставувањето на седумте подземни контејнери, новина во собирањето на сметот во градот, и од Општина Велес и од ЈКП Дрвен, соопштија што може, а што не може да се фрла во нив.

„Во подземните контејнери не треба да завршува картонската и ПЕТ амбалажа, градежен шут, жар и пепел од домашни ложишта“, пишуваше во информацијата за нивно користење.

РЕКЛАМА

 

Засега нема информација колкава е штетата на вреќата од полиестер со волумен од три метри кубни, дали може да се користи или ќе се постави нова, но евидентно е дека некое лице ја згрешило постапката за фрлање отпад.

Сдк.Мк

- Реклами -