26.9 C
Ohrid
понеделник, јули 26, 2021
Почетна Македонија Полицијата има право да ви го одземе и моторот, доколку не е...

Полицијата има право да ви го одземе и моторот, доколку не е регистриран.

Translate (Eng):[gtranslate]

Мерката за привремено одземање возило доколку регистрацијата е истечена повеќе од шест месеци ќе помогне во отстранување на голем број мотори кои се возат низ градските улици и со големи брзини и високо ниво на бучава. Ваква е проценката на полицијата околу воведување поголем ред со овие сообраќајни прекршоци.

Тони Ангеловски, портпарол и помошник министер за односи со јавност при МВР, од Тетово каде денес се спроведе нова засилена контрола во сообраќајот, истакна дека оваа мерка веќе е причина да се одземат возила.

-Но оваа мерка е, пред се, да ни помогне во санкционирањето на моторите коишто ја вознемируваат јавноста особено кога е топло времето. Имаа елементи кои се недозволени. Оваа мерка дозволува таквите возила да ги заплениме и соодветно санкционираме. Во претходниот период можевме едноставно да ја пишеме казната и продолжува тој несовесен возач. Сега имаме многу поригорозна мерка којашто многу ќе придонесе за таа појава да ја снема од улиците во државата, истакна Ангеловски.

РЕКЛАМА

Од крајот на декември, кога е започната примената на новите измени, досега во тетовскиот регион се одземени 15 возила поради истечена регистрација повеќе од 6 месеци. Возилата се одземаат на 90 дена.

- Реклами -