17.9 C
Ohrid
понеделник, септември 27, 2021
Почетна Македонија Шекеринска: Војник со навршени 45 години ќе може да добие отпремнина и...

Шекеринска: Војник со навршени 45 години ќе може да добие отпремнина и до 25.000 евра

Translate (Eng):[gtranslate]

Професионалните војници со навршени 45 години отсега ќе имаат можност да си заминат од армијата со финансиска отпремнина, која ќе изнесува илјада евра по година стаж во службата, доколку се одлучат понатаму да не бидат распределни на други работни места во државата.

„Ден за убава вест за војниците кои ќе навршат 45 години возраст. Нудиме можност, доколку не сакаат да продолжат со работа во државна институција, да изберат отпремнина од 1000 евра за секоја година помината во Армијата. Доколку работеле 25 години, тоа се 25 000 евра за нов почеток. Благодарност до Синдикатот – заеднички го решивме прашањето на уште една категорија војници во Армијата“, објаво Радмила Шекеринска, министерката за одбрана.

Овој договор со репрезентативниот синдикат таа го опиша како „шанса за нов почеток“. Сега преостанува Собранието да ги донесе законските измени.

РЕКЛАМА

Досега професионалните војници со навршени 45 години имаа единствена можност да продолжат да работат во државните или органите на јавната власт, но немаа можност за отпремнина доколку тоа не го прифатат.

фактор

- Реклами -