Администраторите на „Јавна соба“ отворија нова група по денешните апсења на вкупно 4 лица, две од Битола, еден од Велес и еден од Штип, кои се директни учесници во групата Јавна соба на платформата Телеграм
Се работи на откривање и на тој кој ја креирал ваквата група и кои се биле членови.
Кусо време откако министерот за внатрешни работи Оливер Спасовски јави за апсењата, групата почна да се полни со една иста порака во која стои известување дека е направена нова група, а администраторот повикува да му пишуваат во приватна порака за да им ја испрати.
Министерот Спасовски пред еден час извести дека се уапсени две лица за случајот „Јавна соба“, а по него премиерот Зоран Заев, исто така преку социјалните мрежи, извести дека испратиле категорични барања до социјалната мрежа Телеграм да ја избрише групата „Јавна соба“ и дека ќе инсистираат на тоа барање сѐ до негово конечно исполнување.
