При спроведени контроли во сообраќајот, Полициската станица за безбедност во патниот сообраќај Охрид регистрира две лица кои вршат јавен такси превоз на патници без да поседуваат соодветна лиценца за таква дејност издадена од надлежен орган.
На бул.„Туристичка“ во Охрид затекнато е патничко возило „сеат“, со струшки регистарски ознаки, управувано од А.П.(53) од Струга, а на стариот регионален пат Охрид-Струга, при нелегален јавен такси превоз на патници, со патничко возило „нисан“, со струшки регистарски ознаки, затекнат е С.Т.(81), од струшкото с.Радолишта. Против нив ќе биде поднесена соодветна пријава, се вели во соопштението на Министерството за внатрешни работи.
РЕКЛАМА
