По бурните реакции во јавноста, од општина Штип одлучија да го наградат младиот и талентиран математичар, осмооделенецот Дамјан Давков од основното школо „Ванчо Прке“, поради остварениот најдобар резултат на натпревар по математика.
Дамјан ќе добие 15.000 денари и ќе стане почесен граѓанин, затоа што постигна најдобар резултат на натпревар, кој бил организиран само за средношколци. Градоначалникот Сашко Николов за „Репортер.мк“ ни кажа дека Дамјан ќе добие еднократна помош и благодарница.
„Нашиот штипски Питагора ќе добие еднократна парична помош од општина Штип, во износ од 15.000 денари и ќе добие благодарница за афирмација на општината Штип“, ни кажа Николов.
Вчера јавноста бурно реагираше на образложението издадено од Министерството за образование, дека Дамјан нема да ја добие заслужената награда, затоа што наптреварот бил оргиранизиран само за средношколци. Од МОН потоа објавија дека повторно ќе го преиспитаат случајот.
