Димитар Апасиев, лидерот на Левица, во фејсбук коментар напиша дека внесувањето етничка припадност во личните карти е дел од Тиранската платформа:
„Ај нека му објасни некој на професорон шо магистрирал, докторирал и се вработил кај татко му на Машински, дека внесувањето етничка припадност во личните карти е дел од Тиранската платформа и завршна фаза од проектот за комплетна ДЕМАКЕДОНИЗАЦИЈА на Републиката! Изедначувањето на македонскиот народ, кој преку вооружена антифашистичка војна дошол до своја (а не туѓа) држава, со обична „етничка заедница“ е чекор плус кон идна федерализација и поделба на државата, затоа што со тоа и се одзема државотворниот конститутивен статус на нашата нација и се сведува на една од многуте „заедници“ кои живеат на оваа територија 😉
Со тоа, Република Македонија престанува да биде национална држава на мнозинскиот македонски народ и на малцинствата, онака како што сакале нашите основачи на АСНОМ, и станува лабава творевина – (полу)протекторат, составена од неколку етникуми!? Ама, за да го сконташ ова, треба да имаш политички сенс и правно-политолошко теоретско и практично знаење, а не од обичен анонимус во енергетската политика, да бидеш подметнат од Грујо на конгрес за „лидер“.“
На сета оваа изјава, се огласи и пратеничката Рашела:
Како Рашела Мизрахи, горда Еврејка од Македонија сметам дека во мојата лична карта не постои никаква пречка да стои етничка припадност!
Не гледам причина зошто тоа би им пречело на колегите Апасиев и Крмов!?
