Во утринско гостување пратеничката од редовите на ВМРО- ДПМНЕ Рашела Мизрахи кажа дека трагично е што Македонија моли од соседните држави за некоја доза на вакцини и дека тоа само ја покажува неспособноста на власта и на министерот за здравство Венко Филипче во справување со Ковид-19 кризата.
Во овој момент е трагично тоа што Република Македонија се наоѓа во ситуација во која што ќе моли и буквално извинете на израз ќе проси од комшиите за да добие некоја доза на вакцини. А да голема благодарност до соседна Србија која што даде 2.000 дози. Вчера имаше едно интервју чинам од господинот Венко Филипче во кое што кажува колку ќе биде комплицирана процедурата за вадење, растопување и имунизација на самото население и дека ќе се имунизираат во 300 луѓе дневно истакна Мизрахи.
Дополнително пратеничката на ВМРО –ДПМНЕ Рашела Мизрахи потенцираше дека состојбата со имунизацијата е трагедија за нашата држава и дека со имунизирање по 300 луѓе со првичната доза на ден ќе ни требаат 10 години за да го имунизираме целокупното население на државата. Мизрахи дополни дека доцнењето со имунизацијата нанесува не само здравствени штети со губење на огромни животи туку и огромни економски штети.
За мене ова е трагедија бидејќи ако имунизираме по 300 луѓе со првичната доза на ден нас ќе ни требаат околу 10 години да го имунизираме целокупното население во Македонија и за оние повозрасни гледачи еве моја генерација и повозрасни ќе упатам еден апел да се потсетиме како се имунизиравме ние и како медицинските сестри доаѓаа и по училиштата и имунизираа деца од прво, трето, четврто одделение се работи за деца што не лесно секогаш се контролираат па се примаа по две, три, четири, пет илјади дози дневно и се имунизираше целото население. Ова е веќе траги- комично, невредно е да се коментира иако како собрание мора да го коментираме бидејќи ова доцнење не ни нанесува само здравствени огромни штети и губење на човечки животи туку и огромни економски штети заврши Мизрахи.
