13.4 C
Ohrid
сабота, февруари 27, 2021
Почетна Свет Наместо кафе ќе си пиете природно млеко: Сточар од Србија го постави...

Наместо кафе ќе си пиете природно млеко: Сточар од Србија го постави првиот млекомат во регионот, со капацитет од 100 литри млеко на ден

Translate (Eng):[gtranslate]

На почетокот на февруари, еден локален земјоделец од Србија, направил храбар и иновативен чекор и прв во регионот успешно инсталирал млекомат.

Милован Нинчиќ живее и работи во Бранешчи, каде заедно со семејството одгледува 10 крави, од кои седум се млечни и млекото досега им го продал на жителите на Чајетина.

За да отиде чекор понапред, тој се одлучил да воведе иновативна технологиј и од Италија, каде што има повеќе од 2000 вакви апарати, увезол т.н. млекомат, па така сега купувачите можат да купуваат чисто млеко без никакви дотатоци во кое било време од денот.

РЕКЛАМА

За да го инсталира овој уред, на Милован му биле потребни 15 месеци. За тоа време, тој успешно ги обезбедил сите потребни дозволи за набавка на апаратот. Кога станува збор за самиот уред, вкупниот капацитет е 100 литри и е програмиран така што со помош на сензор го известува сопственикот кога количината на млеко во него е при крај, но ќе му овозможи и да има контрола дали во апаратот има исправно млеко во секој момент.

„Млекото оди во лактофризерот, а од лактофризерот го претурам во буре од прохром. Доаѓам наутро или навечер, го менувам празното буре со ново, а апаратот го стерилизира млекото. После тоа, го ресетирам и продажбата започнува од нула“, објаснува Милован Нинчиќ.

Овој уред овозможува одеднаш да се купат еден или два литри млеко.

Од самиот почеток на работењето, веќе е јасно дека Милован Нинчиќ е упорен во својата претприемничка идеја, бидејќи планира да инсталира уште еден ваков „млекомат“ во Златибор.

Извор: Агромедиа.рс

- Реклами -