13.9 C
Ohrid
среда, септември 22, 2021
Почетна Македонија Убиен италијанскиот амбасадор во ДР Конго

Убиен италијанскиот амбасадор во ДР Конго

Translate (Eng):[gtranslate]

Во напад извршен врз конвој на ОН денеска загина амбасадорот на Италија во ДР Конго.

Нападот се случил утринава околу 9 часот по македонско време во градот Гома, главен град на провинцијата Северен Киву и пограничен град со соседна Руанда.

Целта на напаѓачите била да ги киднапираат дипломатите, а откако не успеале во намерата отвориле оган. На лице место загинале две лица, италијанскиот амбасадор Лука Атаназио и еден припадник на Карабинерите.

РЕКЛАМА

„Со огорченост и голема болка ја примив веста за смртта на нашиот амбасадор во Демократска Република Конго и еден припадник на Карабинерите. Две личности кои беа во служба на нацијата се насилно убиени додека ја вршеле својата должност. Сѐ уште не се јасни настаните околу овој брутален чин и нема да штедиме напор за да се расветли што се случило. Денес нацијата ја оплакува загубата на двајца нејзини синови кои беа за пример, сочувствуваме со нивните фамилии, нивните пријатели и колеги од Министерството за надворешни работи и Карабинерите“, изјави Луиџи Ди Мајо, италијанскиот министер за надворешни работи.

Во овој краен источен дел на ДР Конго се наоѓа Националниот парк Вирунга кој е честа мета на разни терористички групи кои оперираат на тромеѓето помеѓу ДР Конго, Руанда и Уганда и често ги напаѓаат локалните ренџери.

- Реклами -