17.3 C
Ohrid
вторник, мај 11, 2021
Почетна Македонија Полковникот Драган Ковачки: Ќе ја тужам министерката Радмила Шекеринска за злоупотреба на...

Полковникот Драган Ковачки: Ќе ја тужам министерката Радмила Шекеринска за злоупотреба на службена положба.

Translate (Eng):[gtranslate]

Ќе ја тужам министертка за одбрана Радмила Шекеринска за злоупотреба на службена положба и ќе ја повикам цела јавност да го следи случајот, порача полковникот Драган Ковачки кој е казнет шест месеци со по 30 отсто од платата, како што објави службената новинска агенција МИА поради наводна закана кон началникот на Генерал штабот, генерал-потполковник Ѓурчиновски.

Тој напиша статус на Фејсбук, а ние ви го прикажуваме во целост:

„Ау каков непрофесионализам.

РЕКЛАМА

Да дознаам од медиуми дека Шекеринска ме казнила 6 месеци на плата а не сум примил никакво решение.

Еве ја вистината:

Значи, ми наместија дисциплинска постапка за која комисијата составена од генерали веќе се произнесе дека нема елементи за казна (!!!), но Шекеринска дополнително си формира своја комисија во која дури има и лица кои се помали по чин од мене и внимавајте: без НИЕДЕН доказ донела Решение за да ме казни на плата.

Чист аматеризам и своеволие.

Сега ќе си добиете по една тужба и тоа што сте го објавиле ќе мора да го докажете, ама не пред партиска комисија, туку пред Суд. А ќе ја повикам и јавноста да го следи процесот.

Срамота, Шекеринска на што се симнавте.

Политички гледано, ова е дискриминирачки и очајнички обид на Шекеринска преку злоупотреба на службената позиција и на целосно незаконски начин да го спречи Уставно загарантираното право за јавно изразување и критика на јавните функционери, вклучително и на нејзините поразителни и популистички политики во одбраната.

Во моментов, ова е една од темите што е сосема неважна и служи исклучиво за дефокус од неспособоста и алчноста за пари што косат човечки животи.

Јас ова ќе ви го порачам:

Вашите казни и закани само ме мотивираат и докажуваат дека сум на прав пат.

Не може да ме казните за тоа што сум Ви укажал дека сте прекршиле закони.

Можете да казнувате и да се заканувате, но за злоупотреба на службена положба се одговара и кривично.

Се гледаме на Суд, одберете си добар тим правници“, објави Ковачки на својот официјален фејсбук профил.

Како што објави МИА, Ковачки, кој е и член на Извршниот одбор на ВМРО-ДПМНЕ, на Ѓурчиновски му се заканил со пораката „долга е раката на ВМРО“ испратена преку вибер комуникација..

Пред еден месец, откако Ковачки поднесе кривична пријава против министерката Шекеринска, таа на својот фејсбук профил напиша дека против полковникот се води дисциплинска постапка поради закани кон началникот на генералштабот.

- Реклами -