10 C
Ohrid
сабота, мај 15, 2021
Почетна Македонија Асани: Мојата совест е чиста, наместо да ми се заблагодарат што и...

Асани: Мојата совест е чиста, наместо да ми се заблагодарат што и го спасив животот на пациентката од Дебар, тие ме разрешија.

Translate (Eng):[gtranslate]

Мојата совест е мирна бидејќи направив се што можев и и го спасив животот на пациентката од Дебар.

Еден ден по разрешувањето, сега веќе екс директорот на струшката болница Мухамед Асани се јави преку социјалните мрежи. Вели дека е предмет на организирани напади за случај во кој и надлежните институции покажале дека нема никаква лекарска грешка.

„ Јас лично мислам дека ниту еден лекар не сака да му се комплицира состојабата на неговите пациенти или во најлош случај да заврши со фатален исход. Но колку и да си посветен на работата и при вршење на истата, сепак може да се настануваат и компликации. Има и несовесни лекари но сите што ме познаваат мене, знаат дека не спаѓам во тие.“ – пишува Асани на социјалните мрежи.

РЕКЛАМА

Вели бубрегот не го извадил тој, туку хирург специјализиран во областа откако констатирал дека може да предизвика дополнителни проблеми.

Со Асани контактиравме попладнево но тој не сакаше својата приказна да ја раскаже пред камерата на Сител.

На социјалните мрежи се јави и вицепремиерот за борба со корупцијата за да потенцира дека законот ќе важи еднакво за сите.

„Директорот на струшката болница, Мухамед Асани, е разрешен. Нема компромиси кога е во прашање здравјето на граѓаните.

Изминатиот период бев во постојана координација со надлежниот инспекторат, Државниот санитарен и здравствен инспекторат, кој веднаш ги презеде сите мерки што се во нивна надлежност. “ – напиша Николовски на социјалните мрежи.

Министерот Филипче вчера го разреши Асани најавувајќи нова комисија која повторно ќе го испитува случајот. Против докторот веќе има две приватни кривични пријави а предмет води и обвинителството.

Тој се најде во средина на скандал откако две семејства од Дебар го обвинија за лекарски грешки со сериозни последници.

- Реклами -