Од 19 на 16 години затвор намалена пресудата за убиството на Саздовски
Основниот суд во Скопје денес изрече пресуда со која од 19 години затвор, ја намали на 16 години казната за Бесир Бела и Скендер Демири, за убиството на Никола Саздовски-Саздо. Преиначувањето на пресудата за МКД.мк го потврди законскиот застапник на семејството на оштетениот, адвокатот Ванчо Шехтански кој додава дека причина за намалување на казната од 3 години е тоа што, Судот сметал дека обвинетите биле млади лица и претходно изречената казна од 19 години била превисока.
За утре во 12 часот е закажано и рочиштето за третиот обвинет во овој предмет, Јетон Љужа кој беше во бегство, па фатен од полицијата. На утрешното рочиште Љужа треба пред судот да ја каже својата верзија за настанот.
Пишува: мкд.мк
