Викендов 27.03/28.03 2021 се одржа меѓународен отворен Таеквон-до ИТФ онлајн турнир “ЧЕШКА Е – ОПЕН 2021”, во организација на Чешката Таеквон-до ИТФ Федерација, каде се натпреваруваше само една дисциплина ФОРМИ(борба со замислен противник).
На овој турнир во конкуренција од 400/400 натпреварувачи од 47 клубови од 23 земји во Европа, охридскиот клуб учествуваше со 15 натпреварувачи.
– После долго време имавме прилика повторно да го почувствуваме натпреварувачкиот дух, иако е преку интернет сепак желбата за победа ги мотивира нашите натпреварувачи, кои покрај големата конкуренција успеаја да не израдуваат со 7 медали: 1 златен, 3 сребрени, 3 бронзени, со што докажаа дека сеуште квалитетот на нашиот клуб е на највисоко ниво, и се спремни за нови победи, вели Марјанчо Лазаревски, тренер на клубот и претседател на Македонската ИТФ, кој користи прилика јавно да се заблагодари на генералниот спонзор на клубот “ПН МЕТАЛ”, кој е најзаслужен за сите нивни успеси.
Освојувачи на медали се:
Елена Јанеска – 1 место златен медал 6-5 куп (зелен појас) јуниори девојки 14-17 год.
Давид Крстески – 2 место сребрен медал 1 дан (црн појас) деца 11-13 год.
Христијана Парулеска – 2 место сребрен медал 6-5 куп (зелен појас) девојчиња 11-13 год
Никола Балчески – 2 место сребрен медал 8-7 куп (жолт појас) јуниори 14-17 год
Давид Велковски – 3 место бронзен медал 1 дан (црн појас) сениори 18-39 год
Петар Трифуноски – 3 место бронзен медал 8-7 куп (жолт појас) јуниори 14-17 год
Филип Митрески – 3 место бронзен медал 8-7 куп (жолт појас) деца 11-13 год
