Претседателот Стево Пендаровски по завршувањето на Советот за безбедност информираше дека членовите на советот побарале користење на сите расположливи ресурси. Тој исто така посочи дека државата не смее да дозволи ниту еден граѓанин да не биде примен на болничко лекување.
– Ние политичарите мораме први да дадеме пример за почитување на мерките. Имунизацијата ќе започне од утре. Побарав од надлежните да го организираат процесот и тоа да трае до целосно завршување и прекини не смее да има, рече Пендаровски.
Тој исто така рече дека не смее да се повторат фотографиите од Србија бидејќи тоа е срам за нашата држава и дека таа мора да најде начин и да ги вакцинира своите граѓани.
Точно е дека се потпиравме на ковакс механизмот кој задоцни повеќе од два месеци со испораките, точно е дека верувавме во солидарниот фонд на Еу кој ќе профунционира дури во април годинава. Од петте најбогати членки на ЕУ, ниту една нема вакцинирани повеќе од 5% од својата популација, рече претседателот.
Претседателот побара и од приватните установи да се откажат од профитот и нивните услуги и да ги направат нивните услуги подостапни за инфицираните од ковид граѓани.
„Сакам да упатам и личен апел и да ги повикам и приватните установи да се откажат од профитот и нивните услуги и да ги направат нивните услуги подостапни за инфицираните од ковид граѓани и да го упатуваат својот медицински персонал во јавните установи доколку има потреба. – рече Пендаровски.
