17.1 C
Ohrid
среда, мај 12, 2021
Почетна Македонија Се забранува објекти за игри на среќа на 500 метри од училишта

Се забранува објекти за игри на среќа на 500 метри од училишта

Translate (Eng):[gtranslate]

Обложувалници на 500 метри оддалеченост од основните и средните и поскапи лиценци. На ЕНЕР објавени се предлог-измените за Законот за игри на среќа.

Обложувалниците ќе мора да приложат документ со кој се докажува оддалеченост од половина километар од училиштата до кои се доаѓа по најкраткиот безбеден пат.

За добивање лиценца, наместо 105.000 евра ќе се плаќа 125.000 евра. Со лиценцата компаниите ќе имаат право да отворат најмногу 25 уплатни места, а за секое наредно ќе треба да платат дополнително по 5.000 евра.

РЕКЛАМА

За приредување на електронски игри на среќа, приредувачот плаќа надоместок во износ од 70 евра по терминал, наместо како досега по 30. За приредување на лотариските игри на среќа на државата ќе и се плаќа 6, наместо 4 отсто, од приходите од вкупно остварените уплати.

Лиценца за приредување на интернет игри на среќа може да се добие само ако операторот има основна главнина од 500.000 евра, наместо само 40.000 евра како што е актуелниот услов.

Предлог измените треба да влезат во Влада до 30 јуни.

Од Асоцијацијата на обложувалници велат дека ги погледнале предлог-измените, но засега немаат оформено заеднички став. Правниот тим на АСОМ викендов ќе ги разгледа и сите забелешки ќе бидат објавени в понеделник. Додека измените беа во подготовка, АСОМ беше причино гласен и против вакви измени бидејќи сметаат дека со вакви измени ќе згасне индустрија која годишно носи прилив од 280 милиони евра во државната каса.

- Реклами -