Талентот се раѓа од мали нозе и се надоградува со тек на годините. Како во случајот со седумгодишната Михаела Мирова мала и талентирана која обожава да свири на пијано. Со надеж и желба во иднина се гледа себеси со свој концерт. Нејзините родители први го препознале нејзиниот талент, па веќе активно свири и знаењето го учи од проф. Марија Максимова и проф.Влатко Жежов. Каде со проф. Марија Максимова се подготвуваат за нова композиција „Во земјата на џуџињата“.
Михаела е талентирано дете која на само седумгодишна возраст има учествувано на 6 натпревари. Во Америка, Словенија и Јапонија има добиено прва награда. Во Албанија и Америка втора награда. Во Канада нејзина трета награда. „Се радувам на сите награди кои ќе ги добијам и сум среќна за сите постигнати успеси. Но, најмногу знае да ме израдуваат постигнатите први награди. Во исчекување сум за резултати од уште еден натпревар во Америка. Благодарност до моето семејство и моите професори кои се секогаш тука до мене, за да можам да ги постигнам успесите и да верувам во себе.“ Изјавува, Мирова