23.1 C
Ohrid
петок, јули 30, 2021
Почетна Македонија Откако откривме дека во Македонијa има двојни матични броеви, се сомневаме дека...

Откако откривме дека во Македонијa има двојни матични броеви, се сомневаме дека лани изборите беа наместени.

Translate (Eng):[gtranslate]

Потпретседателот на ВМРО-ДПМНЕ објаснува дека предноста на СДСМ е само 12 000 гласа, така што, според него, ако луѓето со двојни матични броеви гласале двапати, тоа значи дека околу 40 000 гласа се фалсификувани
Потпретседателот на ВМРО-ДПМНЕ Александар Николоски денеска изрази сомневање во регуларноста на ланските предвремени парламентарни избори, откако неговата партија брифираше дека над 20 илјади лица во земјава имаат два или повеќе матични броеви, за што дојде и потврда од МВР, со објаснување дека станува збор за проблем што датира од пред 40 години и на чие решавање интензивно се работи.

Според Николоски, аферата со двојните матични броеви отвора и друга димензија, а тоа е регуларноста на последните парламентарни избори. Тој објаснува дека разликата меѓу СДСМ и ВМРО-ДПМНЕ е само 12 000 гласа, така што, ако ако луѓето со двојни матични броеви гласале двапати, тоа значи дека околу 40 000 гласа се фалсификувани.

Николоски проценува дека ако се одземе од тие 40 000 гласа разликата од 12 000, со кои ВМРО-ДПМНЕ изгуби на изборите, се добива бројка од околу 30 000 гласа, колку што предвидувале сите анкети за победа на ВМРО-ДПМНЕ.

РЕКЛАМА

„Разликата помеѓу ВМРО-ДПМНЕ и СДСМ беше само 12 000 гласа и да ја потсетам целокупната македонска јавност дека сите анкети пред изборите предвидуваа победа на ВМРО-ДПМНЕ. Логичното прашање што се поставува е дали овие 20 000 луѓе гласале по двапати и дали на тој начин се исфалсификувани околу 40 000 гласа. Ги повикувам надлежните институции да го испитаат ова и да ја испитаат регуларноста на изборите. Доколку тоа не го направат, случајот ќе го испита новата влада предводена од ВМРО-ДПМНЕ по предвремените парламентарни избори што, се надевам, дека ќе се случат заедно со локалните“,

изјави Николоски при посета на Прилеп.
Николоски информираше и дека ВМРО-ДПМНЕ почнува со селекција на кандидати за градоначалници низ целата држава.

Почнуваме еден процес на селекција не само за Прилеп, туку за целата држава. Прилеп ни е во приоритетите затоа што се работи за еден од најголемите градови во Македонија и град во кој очекуваме убедлива победа. Можам да најавам дека во текот на летото ќе ги соопштиме и кандидатите за градоначалници и кандидатите за советници. Имаме еден поширок пристап и нема да се ограничиме само на партиски луѓе“,

рече Николоски.

360 степени

- Реклами -