7.9 C
Ohrid
четврток, септември 23, 2021
Почетна Македонија Охрид се простува со наставничката Розе Работовска која ја загуби битката со...

Охрид се простува со наставничката Розе Работовска која ја загуби битката со COVID-19

Translate (Eng):[gtranslate]

Охрид, 26. април 2021 (ОХРИДПРЕС) – Вработените од ООУ „Ванчо Николески“ од Лескоец денес се простуваат од својата драга колешка Розе Работовска, која го загуби животот после долгата и немилосрдна битка со COVID-19.

– Розе беше наставник кој си ја сакаше својата работа, голем ентузијаст, секогаш насмеана, спремна да помогне и секогаш подготвена да се радува на животот. Умееше од секоја ситуација да ги извлекува само добрите работи и никогаш да не покажува дека животот и не е толку лесен. Борец до крај! Нејзиниот ведар дух влеваше позитивна енергија каде и да се појавеше, а нејзината мајчинска топлина се чувствуваше во секој совет што несебично го споделуваше. Изгубивме драга колешка, пријател, соработник, добар другар и храбар човек. Заминувањето од Розе ќе остави голема празнина во нашиот колектив, но секогаш ќе се сеќаваме на нејзината ведрина, на нејзината насмевка и на нејзината силна желба за живот и радост, велат нејзините колеги.

Розе Работовска беше наставник по биологија, хемија и природни науки. (Крај)

РЕКЛАМА

извор: ОхридПрес фото: архива

- Реклами -