20-тина членови на едно семејство нападна доктор во Индија пред болница, откако член на нивното семејство починал од коронавирус. Наводно, тие се сомневаат дека пациентот починал поради недостаток на кислород.
Да потсетиме, Индија е погодена од голем бран на коронавирус, а веќе шест дена по ред се бележат повеќе од 300 илјади нови случаи дневно. Експертите сметаат дека бројката од околу 2 илјади починати дневно како последица на коронавирусот е далеку поголема, затоа што евиденцијата е лоша.
Дека луѓето ги губат нервите покажува и видеото на кое може да се види како бесна група на луѓе го напаѓаат младиот доктор.
Како што пренесува „Мирор“, семејството на починатиот го нападнало докторот, фрлале кон него со разни предмети и го тепале со метални шипки. Иако докторот им соопштил дека членот на нивното семејство починал пред да пристигне во болницата, тие се уверени дека тој починал поради недостаток на кислород.
Ситуацијата во Индија наликува на најлошото сценарио од кое се плашеше целиот свет од почетокот на пандемијата – колапс на здравствениот систем со несопирливо растење на бројот на новозаразени.
Во земјата има голем недостаток на кислород, а поради огромниот број на починати, мртвите тела се палат на отворено.
