9.1 C
Ohrid
недела, мај 16, 2021
Почетна Македонија Заев: Сите заеднички да се воздржиме од одењето во црква, наместо во...

Заев: Сите заеднички да се воздржиме од одењето во црква, наместо во храмовите Велигден да си го поминеме во кругот со семејството.

Translate (Eng):[gtranslate]

Денешниот ден, Велики Петок, во пресрет на најголемиот православен христијански празник на победата на животот над смртта, наместо во храмовите да го поминеме дома, во кругот на семејството, порача премиерот Зоран Заев.

– И оваа година да се воздржиме од посета на црквите и манастирите и да ја упатиме благодарната молитва во нашите домови и во кругот на нашите семејства да го дочекаме светлиот ден – Воскресение, кога нашите срца ќе бидат преплавени со вечната светлина и надеж од веста за победата на животот над смртта, и со нова, обновувачка сила да извојуваме победа против искушенијата со вирусот, напиша на својот фејсбук профил Заев.

Ако сепак одлучите да одите во црква, вели Заев во пораката, послушајте ги препораките на свештенството и направете го тоа со најголемо внимание со придржување на мерките за заштита, заради себеси и заради другите.

РЕКЛАМА

– Да ја чуваме надежта што ја носи со себе Велигден дека оваа кризна состојба ќе биде надмината и ќе се вратат деновите кога ќе можеме да се собереме во нашите храмови и заедно да се радуваме на Христовото Воскресение, порача Заев.

- Реклами -