7.4 C
Ohrid
петок, април 4, 2025
ПочетнаМакедонијаKАМ: Докажавме дека во нашиот производ нема глушец, а лицето кое ја...

KАМ: Докажавме дека во нашиот производ нема глушец, а лицето кое ја објави фотографијата на социјалните мрежи ќе биде тужено !!

spot_imgspot_imgspot_imgspot_img
spot_img

КАМ ДОО Скопје ги демантира тврдењата во врска со случајот од 4 април годинава, кога потрошувач на Фејсбук објави дека во замрзнатиот т.н. царски микс на зеленчуци, купен во еден од нивните маркети, е пронајден глушец.

<

Според КАМ, случајот, спротивно на законските прописи, непотврдено бил изнесен не само на социјалните мрежи, туку и во одделни медиуми, при што биле доведени во заблуда јавноста и потрошувачите.

Компанијата тврди дека по спроведувањето на сите законски утврдени анализи и проверки од страна на Агенцијата за храна и ветеринарство, резултатите ја потврдиле исправноста на производот.

-Веднаш по објавувањето на непотвредената информација на 04.04.2021 како што налагаат интерните процедури, компанијата најодговорно ги презема сите мерки вклучително и повлекување на производот од продажба. Исто така, со цел детално истражување на случајот, компанијата постапи согласно одредбите на Законот за заштита на потрошувачите и Законот за безбедност на храна, како и пропишаните постапки за заштита на правата на потрошувачите. Компанијата КАМ во насока на справување со јавното ширење на неосновани тврдења и невистини, кои воедно претставуваат обиди за нарушување на довербата на потрошувачите и деловниот углед на компанијата, одлучно ги презема неопходните законски постапки за изнесување на случајот пред лицето на правдата, наведува КАМ во демантот.

Компанијата додава и дека ќе продолжи секојдневно доследно да ги спроведува најдобрите светски практики и европски стандарди за безбедност на храната.

 

Информацијата за пронајден глушец во „царскиот зеленчуков микс“ на КАМ ја сподели советникот на Општина Битола, Иван Чулакоски на 4 април 2021. Во својата фејсбук-објава тој ги повика Владата, Агенцијата за храна и ветеринарство и Националната канцеларија за заштита на потрошувачите да го проверат случајот, но го „тагираше“ и КАМ.

По објавените вознемирувачките фотографии на Чулакоски, веднаш следниот ден се огласи Агенцијата за храна и ветереринарство. Соопшти дека е наредено производот да биде повлечен од сите рафтови во државава.

-Поради сомнеж за физичка контаминација ( присуство на страно тело – глушец) во замрзнат зеленчуков микс „Сани фантази – Царски микс” по потекло од Република Србија, увезен од КАМ ДООЕЛ, Агенцијата за храна и ветеринарство (АХВ) издаде забрана за промет на овој производ и нареди негово повлекување од рафтовите на КАМ маркетите на цела територија на државава. Издадена е наредба на операторот со храна да изврши сопствена проверки на секоја серија/лот од овој производ, во сите маркети каде е пласиран овој производ, на територијата на цела држава, наведе АХВ.

Директорот на Агенцијата за храна и ветеринарство Николче Бабовски истакна дека АХВ ќе изврши вонредни инспекциски надзори и ќе провери дали пласираните количини од овој производ се повлечени од малопродажната мрежа. Извршени ќе бидат, дополни, и органолептички прегледи на одредени примероци, од секоја серија/лот на овој производ, а примероци за контрола на микробиолошките критериуми за безбедност на производот ќе бидат испратени за лабораториско испитување.

-Доколку потрошувачите купиле ваков производ, пред консумација внимателно да го отворат и прегледаат и доколку утврдат присуство на страни тела, истиот производ да го вратат на местото на купување и за тоа да ја известат АХВ, соопштија од АХВ.

За овој случај што беше објавен на социјалните мрежи, до АХВ не беше поднесена претставка.

-Како одговорна институција за безбедноста на храната, апелираме ваквите случаи место на социјалните мрежи, да се пријавуваат кај надлежните институции, потенцираа од АХВ

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Дисциплинска постапка за двајца полициски службеници кои лажно тврделе дека возилото “порше” е службено

Дисциплинска постапка за двајца полициски службеници кои лажно тврделе дека возилото “порше” е службено Од страна на Одделот за внатрешна контрола, криминалистички истраги и...

Нема цијанид во Крива река, утврди државниот инспекторат за животна средина

Државниот инспекторат за животна средина утврди дека нема цијанид во водата на Крива река во Паланка, потврди директорката на инспекторатот, Ивана Гиновска на денешната...

Обвинителството ќе ја запре истрагата против Александар Карадаковски, управител на т.н. кабаре во Кочани

Јавното обвинителство денеска одржало стручен колегиум, кој започнал со едноминутен молк во знак на почит кон настраданите во трагедијата во Кочани, на кој обвинителскиот...

Газда на „Поршето“ во Дебар маало е ексамбасадорот Срѓан Керим

Поршето паркирано во Дебар маало не е на полицаец, туку е во сопственост на Срѓан Керим, ексминистер за надворешни работи, амбасадор на Македонија во...