Гостиварчанец прелажал сограѓанин: Му ветил дека ќе му го купи автомобилот после проверката на механичар, но тој таму го трампал со друго возило..

Полицијата информира за нова измама со купопродажба на половни возила, која се случила на територијата на Гостивар.

„Пријавениот A. M. (37) усно се договорил со Ш. Р. (67) од Гостивар да купи од него патничко возило по што му дал дел од парите и ветил дека преостанатиот дел ќе му го даде по проверка на исправноста на возилото кај механичар. По тоа, пријавениот не се јавувал на повиците, а возилото го компензирал за производи со лице од селото Арачиново, Скопско“, соопшти МВР.

По преземените мерки, возилото било пронајдено и вратено на сопственикот, а А. М. е приведен.