Премиерот Зоран Заев во гостувањето на Утрински брифинг објави детаљ од разговорите со поранешниот бугарски премиер Бојко Борисов кој се однесува на обидите од бугарска страна да се негира македонскиот идентитет, историја и јазик.
-Проблемот со Бугарија е смешен. Викам аман бе, браќа бевме до сега. Излегува дека не ни признавате македонски идентитет, јазикот. А реакцијата оттаму пред нас и пред новинарите е викаат не не, ние реалноста ви ја признаваме, ама дај да видиме корењата. Со Бојко кога сум разговарал, говоревме за тоа. И тој е православен христијанин и јас сум православен христијанин и праша како ние тоа го сфаќаме околу корењата, а многу е едноставно за сфаќање. Во науката сите сме од мајмуните. По религијата сите сме од Адам и од Ева. Е како тоа од цел свет само Македонците од Бугарите потекнуваат или Бугарите од Македонците. Значи или сме од мајмуните или од Адам и од Ева. Затоа има историско образовна комисија која треба да ги разработи сите можни аспекти. На крајот го фаќаш ликот, како што до сега обработивме пет лика и гледаш како одма не прави попријатели, рече Заев утрово на Брифингот со Сашо Орданоски.
слободен печат
