До
Тимот со кој несебично работев на Региналниот вакцинален пункт Билјанини Извори Охрид
Денеска заминувам за Скопје, од понеделник сум веќе на секојдневните работни обврски во Министерство за здравство кои треба да си продолжат кои дел од некако успевав и од тука да ги завршам.
Ми беше огромна чест да работам со вас, да бидам дел од вас и оваа успешна приказна зашто сте вистински професионалци и ова го кажувам искрено со цело срце.
Вие сте тие со кои заеднички ги изменаџиравме сите ситуации, предвидливи и непредвидливи , заедно научивме и стекнавме нови искуства од кои сите ние понатаму ќе извлечеме свои животни лекции со единствена цел да бидеме уште подобри и поподготвени да умееме да се справиме со нови предизвици.
Овој тим сметам дека го чекаат уште многууу успеси зашто покажавте како заедно и сплотени можеме да дадеме многу за нашите граѓани, но пред се за најранливите категории каде навистина треба да се има огромно срце, а сите вие од административците од општина, до здравствениот персонал го имате покрај огромната професионалност за што изразувам искрена благодарност.
Од срце благодарност и за Сашо Денесковски, човек кој несебично и лично се заложи за овој Регионален здравствен пункт да биде Европски. Со него имавме заеднички предизвици речиси секојдневно, но неговата посветеност, мудрост и грижа беа клучни за да постапиме онака правилно како што нашите Охриѓани и граѓаните од околните места тоа го очекувале од нас.
Саше ти благодарам.
Морам да кажам дека и покрај тоа што речиси 20 години имам искуство во Министерство за здравство, а во моментов сум на позиција државен советник сепак ова беше ново искуство и за мене и позитивен пример за тоа кога еден тим е посветен и има една силна цел, и невозможното или она што навидум изгледа тешко го прави реалност.
Искрено се надевам дека ќе продолжиме со уште низа заеднички задачи, но и дружби.Вие сте подготвени и убедена сум дека одлично се справувате со овој процес кој заеднички од почеток го воспоставивме, а јас стојам на располагање на секој од вас со своето искуство и знаење да помогнам во одредени ситуации доколку сметате дека ви е потребно или пак за дружби понеформални од кои исто така сите заедно може да научиме нешто.
Ви благодарам, вие сте тим со кои сме навистина горди и очекуваме уште многу успеси .
Со почит,
Сања Саздовска
Државен советник
Министерство за здравство
