Незапаметен спектакл, досега невиден во Македонија направија најверните навивачи на Тиквеш од Кавадарци, Лозари, кои вечерва со неверојатно пиротехничко шоу го прославија својот 30-ти роденден.
<
Лозари буквално го запалија цело Кавадарци, кое сјаеше од илјада факели на улиците, а дополнително градот осветлен од околу 200 светлечки ракети и надополнет со огномет, па кавадарчани направија спектакл како сплитска Торцида која буквално на својот 70-ти роденден лани, направи таков спектакл каков што не е виден на светската тифо сцена.
Кавадарчани неодамна го добија најубавиот подарок за својот јубилеен роденден од Тиквеш, кој се врати по 17 години во Првата лига, па славјето е уште поголемо во овој град во Тиквешијата.
