Во речното корито на реката Драгор може да се види се и сешто. Тука се фрла разновиден смет од автомобилски гуми до износени алишта. И самите граѓани велат дека ваквата состојба се должи на ниската свест и култура на тие кои тука го фрлаат ѓубрето. Бараат засилени инспекциски контроли откако несовесните граѓани почнаа да се фалат низ социјалните мрежи како го фрлаат ѓубрето во драгорот. Ова видео наиде на лавина негативни коментари, некои низ шала кажуваат дека можеби ги перат алиштата.. но за жал ситуацијана на терен е алармантна.
Некои сметаат дека на оние кои фрлаат ѓубре таму каде не му е местото им недостига еколошка едукација.
Неодамна група професори од Битола покренаа иницијатива на реката Драгор да се населат гуски и пајки, како и да се изградат специјални места за нивно набљудување. Но се додека не се подигне еколошката свест тешко дека тука ќе има услови за нивно одгледување.
Во продолжение погледнете го видеото:
