Сојот на птичји грип “H10N3” во Кина прв пат преминал на човек

Во кинеската покраина Јиангсу е потврден првиот случај на зараза со птичји груп H10N3 кај човек.

Станува збор за 41-годишен маж, а кинеските здравствени власти наведуваат дека ризикот од ширење со големи размери е низок.

Заразениот маж е од градот Жеинјианг, а во болница отишол на 28-ми април откако добил висока температура. Еден месец подоцна му бил дијагностициран птичји грип од сојот H10N3, соопштила кинеската здравствена комисија. Не е објавено како се заразил.

Не многу сериозен сој
Никој од неговите контакти не е заразен, а мажот за време на престојот во болница бил во стабилна состојба и ќе биден пуштен дома. Комисијата додала и дека H10N3 е слабо патоген, односно помалку сериозен сој на вирусот кој се наоѓа кај птиците.

Инаку, во Кина се присутни некои соеви на птичји грип и повремено е случува некој кој е во контакт со птица да се зарази. Откако сојот “Х7Н9” усмртил околу 300 луѓе во текот на 2016-та и 2017-та година, немало значаен број на човечки инфекции со птичји грип.

Досега во светот не е забележан ниеден друг случај на премин на сојот H10N3 на човек, велат од комисијата, а пренесува “The Guardian”.

 

ОСТАВИ КОМЕНТАР

Please enter your comment!
Please enter your name here