Жалбениот совет на Механизмот за кривични судови во Хаг ја објави второстепената пресуда за Ратко Младиќ со која го осудува на доживотна казна затвор.
албениот совет целосно ја потврди првостепената пресуда за Младиќ.
Тој е осуден на доживотен затвор за геноцидот во Сребреница, злосторства против човештвото во 15 општини во Босна и Херцеговина, опсадата, снајперското дејствување и тероризирањето на градот Сараево од 1992 до 1995 година и држењето на припадници на мировната мисија на ОН како заложници за време на НАТО бомбардирањето.
Второстепената пресуда е донесена со спротивно мислење на судијката Приска Матимба Нијамбе.
Советот е убеден дека Младиќ е виновен за геноцид, злосторства против човештвото, земање заложници и кршење на законите и обичаите на војувањето.
„Тој ги извршил тие злосторства во рамки на четири здружени злосторнички потфати, чија цел била трајно отстранување на муслиманите од Босна и Херцеговина“, наведе Механизмот во Хаг.
Советот одлучи дека без интервенциите на Младиќ не би дошло до спомнатите злосторства.
„Младиќ придонел и помогнал на геноцидот, убиствата и трансферот на босанските муслимани. Советот утврдил дека не успеал да поднесе соодветни докази дека отстранувањето на жените, децата и мажите било доброволно“, се наведува во соопштението.
