Русија протера еден вработен од Амбасадата на Македонија во Москва, откако минатиот месец беше протеран руски дипломат од земјава. Со тоа во моментов во амбасадата во Москва имаме само в.д. амбасадор, бидејќи до сега имаше само двајца претставници односно в. д. амбасадор и уште еден дипломат.
Од руската амбасада во Македонија прогласувањето на вработениот во Амбасадата за „персона нон грата“ е возвратна мерка.
„На 10 јуни, в.д. амбасадор на Република Северна Македонија во Руската Федерација Оливера Чаушевска-Димовска беше поканета во Министерството за надворешни работи на Русија, каде ѝ беше врачена нота на Министерството, со која вработен во Амбасадата на Северна Македонија во Москва се прогласува за „персона нон грата“. Оваа мерка е одговор на сосема немотивирана одлука на македонската страна за прогласувањето на дипломат во Амбасадата на Русија во Скопје за „персона нон грата“, која беше донесена во мај оваа година.”, стои во соопштението од Руската амбасада.
