Тој е несомнено жива легенда. Човекот за чија работа и кариера се испреплетени безброј случки, настани и легенди, човек кој важи за најпознатиот естраден менаџер на сите времиња во екс-ЈУ историјата, па се до ден денес…
Работел со најголемите ѕвезди во регионот од Мишо Ковач и Оливер Драгојевиќ, преку Индекси, Леб и Сол и Бијело Дугме, до Оливер Мандиќ и Здравко Чолиќ… и уште стотици други. Ситната боранија и не ја броиме. Организирал илјадници концерти, бил вмешан во безброј афери, наместил којзнае колку фудбалски натпревари, па и цели првенства. Законот го знае и од оваа и од онаа страна… на решетките. Бил со него во судир, ама и негов најдобар пријател, преку локалните и државните началници и командири на полицијата.
Контроверзите околу „кралот на местенките“, големиот Велибор Џаровски – Џаро тешко кој може да ги изброи. И да не беше болеста, веројатно денес наместо да ги „празни“ обложувалниците, се’ уште ќе ги полнеше и празнеше казината, а и тоа како полнеше салите и стадионите… И тоа повеќе отколку што нивните капацитети собираат.
Овој пат кралот на местенките Велибор Џаровски – Џаро ќе ви ја открие разликата меѓу коцкар и кладилничар.
