22.5 C
Ohrid
сабота, јули 31, 2021
Почетна Свет Како што ветија така и направија, на аукција се продава владиниот Мерцедес,...

Како што ветија така и направија, на аукција се продава владиниот Мерцедес, ама не на Македонската влада, туку на Црногорската…

Translate (Eng):[gtranslate]

Црногорското министерство за финансии на Црна Гора објави повик за учество на јавно наддавање за продажба на автомобил од марката Мерцедес-Бенц, модел „мајбах С 650“, со регистарски ознаки ПГ-ХМ542.

– Секое евро е важно во годината на социјална правда. Ова е крај на расипништвото, парите од продажбата ќе одат онаму каде што се најпотребни – за социјално загрозените, рече министерот Милојко Спајиќ.

Според наведеното во огласот, почетната цена на возилото е 456.933,18 евра, а продажбата со јавно усно наддавање ќе биде во петок, 23 јули, во Будва. Право на учество имаат сите заинтересирани лица кои ќе уплатат депозит во износ од пет отсто од износот на почетната цена за автомобилот, односно 22.846,65 евра.

РЕКЛАМА

Црногорската влада во средината на февруари усвои предлог за давање согласност за продажба на два „мајбаха“. Тогаш премиерот Здравко Кривокапиќ рече дека средствата од продажбата ќе бидат уплатени во буџетот и ќе се користат за помош на загрозените граѓани.

Двата „мајбаха“ на крајот на 2017 година и почетокот на 2018 ги купила Агенцијата за национална безбедност за 1,2 милиони евра.

Министерот за финансии Милојко Спајиќ, неодамна рече дека претседателот Ѓукановиќ не го испочитувал заклучокот на владата со кој се реши за продажба на автомобилите и дека го игнорирал барањето кое му го упатила АНБ за повраток на возилата, со цел да се спроведе постапката за продажба. Поради тоа како што истакна, не може да се процени вредноста на возилата.


 

извор:вјести.ме

ММС

- Реклами -