10.9 C
Ohrid
петок, април 4, 2025
ПочетнаМакедонија(Видео) Џафери прозборе албански на самиотот во Брисел при што го прекрши...

(Видео) Џафери прозборе албански на самиотот во Брисел при што го прекрши членот 7 од Уставот?

spot_imgspot_imgspot_imgspot_img
spot_img

Претседателот на парламентот на Република Македонија, Талат Џафери, во рамки на Самитот „Европски парламент – Западен Балкан“, се обрати на албански јазик пред Комитетот за надворешни работи, иако според уставниот амандман 5 од 2001 година на целата територија во Република Македонија и во нејзините меѓународни односи службен јазик е македонскиот јазик и неговото кирилско писмо. На Самитот во Брисел, покрај Џафери,  учествуваат и претседатели на парламенти од Словенија, Португалија, Албанија, Босна и Херцеговина, Косово, Црна Гора, Србија. Повеќето од нив се обратија пред Комисијата за надворешни работи на службените јазици на нивните држави, така што пред овој форум единствено не можеше да се слушне обраќање на македонски јазик, пренесува 360степени.

<

„Доколку сме перципирани како регион што произведува повеќе историја отколку што може да ја консумира, не смееме да дозволиме таа историја да ја проголта иднината на новите генерации, за кои главните животни постулати се базираат на развиена економија, повеќе работни места, дигитална технологија, здрава животна средина, образование и иновации, слободен проток на лица, капитал и услуги…“ изјави Џафери, пред Комитетот за надворешни работи на Европскиот парламент.

„Македонија во изминатата декада се најде во еден исклучително сензитивен период, на внатрешен и на надворешен план. Во однос на европските интеграции, земјата постигна импресивен напредок во приоритетните области, кој од темел промени одредени сектори во нашето општество и значително ги унапреди односите со соседите за надминување на отворените прашања. Нивното решавање бараше дипломатичност, смиреност и отстапки кои беа поздравени од сите наши стратешки пријатели во ЕУ и САД. Таа посветеност придонесе за добивање зелено светло од страна на Советот на ЕУ за почнување преговори за членство. За жал, наместо преговори сега се соочуваме со застој заради одредени билатерални барања. Наш став е дека договорната рамка со Бугарија дава соодветна основа за понатамошна соработка и ние сме подготвени за надминување на ситуацијата согласно меѓународните стандарди. Истовремено, сакам да нагласам дека овие случувања не треба да имаат влијание на отворање на преговорите за членство“, нагласи Џафери пред своите колеги од Западен Балкан, на состанокот на Комисијата за надворешни работи.

Иако Законот за употреба на јазиците ја унапредува употребата на албанскиот јазик на територијата на целата држава, македонскиот јазик останува службен јазик на државата во меѓународната комуникација, како што е предвидено со Уставот. Според членот 7 од македонскиот Уставна целата територија во Република Македонија и во нејзините меѓународни односи службен јазик е македонскиот јазик и неговото кирилско писмо, но тоа не го спречи Џафери да се обрати на албански јазик.

Во кратка изјава за „360 степени“, Џафери денеска од Брисел појаснил дека зборувал на албански јазик единствено пред Комисијата за надворешни работи, а за остатокот од посетата на Брисел ги упатил да се обратат со своите прашања до накедонскиот амбасадор.

„Вие сте го гледале само состанокот на Комисијата. А што станува со пленарната сесија? Во Брисел сум, не ме малтретирај, имате амбасадор тука, па прашајте како сум зборувал“, рече Џафери.

На неговото излагање, Мекалистер возврати: „Најголемиот дел од ЕП го поддржува процесот на преговори со вашата земја и со Албанија, но ние не сме тие што донесуваат одлука“.

Пред заминувањето на Џафери за Брисел, од Собранието соопштија дека Самитот на претседатели на парламенти ќе се осврне на зајакнувањето на парламентарната соработка во процесот на проширување, како и на фундаменталната улога на парламентите во процесот на проширување на ЕУ во постковид-периодот и нема да биде отворен за јавноста. Беше соопштено и дека е предвидено Џафери да се обрати на Самитот.

Видеото од состанокот на АФЕТ и излагањето на Џафери можете да го погледнете ТУКА.

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

МВР: Санкциониран возачот С.К кој непрописно го паркирал возилото, внатрешната контрола при МВР го испитува случајот

Во врска со видеото на социјалните мрежи на кое се гледа непрописно паркирано возило со скопски регистарски ознаки на територија на Дебар Маало во...

Пецаков до СДСМ: Не е ни чудно што елементарната правна неписменост доаѓа од вашата партијата -Во мојот мандат се донесени само ДВА урбанистички планови...

По однос на “reels„ - от од СДСМ Охрид👇 Не е ни чудно што елементарната правна неписменост доаѓа од партијата која за свои лични интереси...

Грозоморен случај во Гостивар: 15 годишно момче извршило полов напад врз 5 годишно девојче !!!

СВР Тетово информира дека вчера (3.04.2025) во 23.30 часот полициски службеници од ОВР Гостивар, во присуство на неговата мајка, лишиле од слобода 15-годишен малолетник...

Од МВР велат дека џипот Порше не е на полицаец !!!

Возилото не е на полициски службеник, велат од МВР за 4NEWS.mk откако утрово на друштвените мрежи се прошири видео од Дебар Маало како се...