23.9 C
Ohrid
петок, јули 30, 2021
Почетна Свет Почина Доналд Рамсфелд, десната рака на Џорџ Буш.

Почина Доналд Рамсфелд, десната рака на Џорџ Буш.

Translate (Eng):[gtranslate]

Поранешниот американски секретар за одбрана, Доналд Рамсфелд, почина денеска во својот дом во државата Њу Мексико, десет дена пред неговиот 89-ти роденден, објави неговото семејство. Тој беше роден на 9 јули 1932 година во Чикаго.

Рамсфелд беше секретар за одбрана на САД во време на претседателот Џералд Форд (1975-1977), но многу повеќе внимание предизвика со својот втор мандат на позицијата, кога претседател беше Џорџ В. Буш (2001-2006), за време на војните во Авганистан и Ирак.

„Со длабока тага ја споделуваме веста за смртта на Доналд Рамсфелд, американски државник и посветен сопруг, татко, дедо и прадедо. Со 88 години, тој беше опкружен со семејството во својот сакан Таос, во Њу Мексико,“ пишува во изјавата од семејството на Рамсфелд.

РЕКЛАМА

Тој имаше репутација на вешт бирократ, но и на визионер на модерната американска војска, пишува Асошиејтед Прес. Рамсфелд беше идеологот на американската „војна против теророт“, која беше прогласена по нападите врз кулите-близначки во Њујорк во 2001 година, како и архитект на воените интервенции на САД во Ирак и Авганистан, кои завршија речиси неславно, без особени резултати и со конечно повлекување на американската војска од двете земји

- Реклами -