22.9 C
Ohrid
петок, јуни 14, 2024
ПочетнаМакедонијаЗаев: Koнечно Успеавме! Од денеска нашите граѓани можат да комуницираат за 0...

Заев: Koнечно Успеавме! Од денеска нашите граѓани можат да комуницираат за 0 денари во роаминг

Премиерот Зоран Заев и генералната секретарка на Советот за регионална соработка во рамките на Берлинскиот процес Мајлинда Брегу, денеска во Охрид, на маргините на настанот Преспа форум дијалог испратија порака по повод укинувањето на роаминг тарифите помеѓу шест земји на Западен Балкан.

-„Успеавме! Од денеска нашите граѓани можат да комуницираат за 0 денари во роаминг. Ова е пораката којашто заедно со селфи ја испративме со Мајлинда Брегу на нашите пријатели во Албанија, Босна и Херцеговина, Косово, Србија, и Црна Гора, стои во пораката од премиерот Заев.

Инспирирани од Европската Унија, се додава, воспоставивме и создадовме средина каде што сите наши граѓани ќе можат безбедно да ги користат своите мобилни телефони да зборуваат, да испраќаат пораки и да користат интернет низ сите земји во Западен Балкан без дополнителни трошоци.

-Ја остваривме идејата која ја договоривме во 2019 година за да го олесниме поврзувањето меѓу нашите граѓани, меѓу бизнисмените, академската заедница и младите и да го забрзаме напредокот кон поврзување на регионот. Ова е наш заеднички успех и здружување на иницијативите за подобри услуги за нашите граѓани и за забрзување на економскиот напредок на регионот. Со ова сме чекор поблиску до приклучување кон концептот „Роаминг како дома” со земјите од Европската Унија, се нагласува во пораката од Заев.

Генералната секретарка на Советот за регионална соработка Мајлинда Брегу во својата порака на оваа заедничка промоција за 0 роаминг меѓу земјите на Западен Балкан со премиерот Заев истакна дека денеска е историски ден.

-Ние сме во роаминг фри зона за сите држави од Западен Балкан. РСС одигра важна улога во овој процес, но немаше да ја постигнеме целта без лидерите од регионот, нивната посветеност и соработка, заедно со партнерството од Европската Комисија. Од овој ден, ги избришавме границите, бариерите и тарифите на нашите мобилни телефони. Како што истакна и премиерот Заев, следен предизвик ни е да ги започнеме разговорите со Европската Унија и да ги намалиме цените во роаминг помеѓу Западен Балкан и ЕУ“, заклучи Брегу. ж

МИА

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Седумте лица кои упаднаа во М-НАВ осудени условно: Немало докази дека била загрозена безбедноста

Основниот кривичен суд Скопје денеска донесе пресуди врз основа на предлог-спогодби со седум лица обвинети како соизвршители на кривично дело – Спречување на службено...

Презентирано првото албанско оклопно возило “ШОТА”

Албанската компанија „Тимак“ го комплетираше првото албанско оклопно возило, кое ќе биде претставено на изложбата за одбрана и безбедност „Еуросатори“ во Париз. Во претставувањето на...

Груевски распали по Јанкулоска: Ќе беше далеку похрабро ако таа побараше политички азил, отколку да мести други луѓе за да се спаси себеси

МАКЕДОНИЈА Груевски за Јанкулоска: Ќе беше далеку похрабро ако таа побараше политички азил, отколку да мести други луѓе за да се спаси себеси Автор: Деск 4NEWS.MK 14/06/2024 11:31 Во...

По 100 и 200 евра од општина Бутел за најдобрите основци

Под мотото „По правилниот пат чекорам” општина Бутел ја продолжува традицијата која ја започнаа минатите години и доделија парични ваучери на најдобрите ученици...