Пишува: Duma.mk
Седум студенти имаат можност да добијат месечна стипендија во износ од 6.000 денари за време на нивните студии од страна на Евангелската Црква. Студентите треба да студираат на државните униврзитети. Тие треба да бидат од социјално ранливи категории, да имаат отежнати услови за студии и да се соочуваат со финансиски проблеми. Сепак студентите треба да постигнуваат добар успех и да имаат просек.
Стипендијата ќе се обновува со секоја нова академска година, доколку одново бидат исполнети критериумите. Станува збор за проектот што е спонзориран од Евангелска Црква и нејзини пријатели и подржувачи.
– Проектот исто така подразбира менторирање и практична помош за студентите од страна на високо квалификувани и веќе остварени професионалци во нивните засебни полиња. Во склоп на овој процес, ние ќе се заложиме студентите помеѓу нив да оформат група за поддршка, која веруваме ќе продолжи да им биде од полза и по завршување на нивните студии. Конечната цел на проектот е да се помогне и поддржи образовниот процес на млади луѓе кои веќе негуваат одлични карактерни особини и работни навики, да се поттикне креативниот и академски потенцијал во нив, и да се овозможи создавање на професионални врски уште за време на студиите, што подоцна ќе даде прилика за нивно поскоро вработување и големо кариерно остварување, рече пастор Филип Иванов.
Според Иванов, конечната цел на проектот е да се помогне и поддржи образовниот процес на млади луѓе кои веќе негуваат одлични карактерни особини и работни навики, да се поттикне креативниот и академски потенцијал во нив, и да се овозможи создавање на професионални врски уште за време на студиите, што подоцна ќе даде прилика за нивно поскоро вработување и големо кариерно остварување.
За подетални информации на располагање на заинтересираните им стои пастор Иванов на мобилниот телефонски број +389 78 859 427, е-маил filipivanov@ymail.com.
duma.mk
