21.1 C
Ohrid
среда, август 4, 2021
Почетна Македонија Заев: Костадинов е првиот потврден кандидат за градоначалник на СДСМ, го имаме...

Заев: Костадинов е првиот потврден кандидат за градоначалник на СДСМ, го имаме најдоброто за Валандово

Translate (Eng):[gtranslate]

На три до четири месеци пред изборите, ние како партија, тргнавме во постапка заедно со вас граѓаните, да го селектираме тоа што е најдобро и да го понудиме за следните локални избори, порача претседателот на СДСМ, Зоран Заев, на граѓанската трибина „Најдоброто за нашата општина“ што вчера се одржа во Валандово.

– За некој ден ќе ги објавиме првите дваесет кандидати за градоначалници, на почетокот на август ќе ја објавиме втората група кандидати, а третата група кон крајот на август. Но, нема посоодветно место од Валандово, да го објавам првиот кандидат за градоначалник, за кој нема никакви дилеми ниту во општинската организација на СДСМ, ниту меѓу коалицијата, драго ми е да го објавам првиот градоначалник, кој ќе биде и избран на следните локални избори, Перо Костадинов, човек кој тоа го залужува. И ја користам приликата да ја упатам пораката до сите функционери: трудете се работе, служете му на народот и нема дилеми дека ќе ја добиете довербата и од граѓаните и од своето партиско раководство, порача Заев.

 

РЕКЛАМА

Заев најави дека постапката за останатите кандидати продолжува преку испитување на јавното мислење и анкетирање на членството.

– Сакам да ве информирам, дека сите социјалдемократи, ќе добиете викендов ќе имате електронско гласање, односно ќе добиете СМС порака преку која ќе се изјасните за кој кандидат за градоначалник ја давате вашата поддршка, а секако ќе следуваат и анкети насекаде низ државата, заклучи Заев.

 

- Реклами -