Денеска привремено беше блокиран официјалниот профил на министерот за здравство, Венко Филипче, поради „забележана необична активност од овој профил“.
„Твитер профилот на министерот за здравство д-р Венко Филипче, утрово беше ставен на рестрикција од страна на „Твитер“, од причина што ненамерно при логирање беше внесен погрешен код за верификација. Оваа активност за социјалниот медиум беше причина истиот да го ограничи профилот, се работи на надминување на проблемот“, велат од Министерство за здравство.
Исто така неодамна Твитер на синот на американскиот претседател Доналд Трамп џуниор, му го ограничи пристапот на неговиот профил на оваа социјална мрежа, по проценката дека со негова објава ги нарушил прописите за сузбивање на дезинформациите поврзани со болеста на ковид-19.
