15.9 C
Ohrid
понеделник, октомври 18, 2021
Почетна Македонија Денес се празнува Св. вмч-ца Недела

Денес се празнува Св. вмч-ца Недела

Translate (Eng):[gtranslate]

Света Недела (името е превод на грчкото Кириакија) се роди во Мала Азија и живееше за време на царувањето на Диоклецијан.

Се роди како дете измолено од Бога, бидејќи нејзините родители Доротеј и Евсевија долго време немаа деца. Кога порасна се разви во убава девојка, а телесната убавина ја дополни со убавината на душата што ја беше стекнала преку постојан внатрешен, невидлив подвиг. Нејзината убавина привлекуваше многу просители, но таа одбиваше да се врзе со некој друг освен со Христос.

Еден од одбиените просители, откако во себе ги разбуди злите мисли, ги поткажа пред властите света Недела и нејзините родители како христијани. Сите беа изведени на суд, мачени и најпосле погубени. Тоа се случи во 289 година во Никомидија.

РЕКЛАМА

Празникот на светата маченица Недела се паѓа во летниот период, во време на жетвата и другите полски работи. Во некои краишта, како на пр. во Дебрца, Охридско празникот се вика Стара Недела, се смета за мајка на неделите и за тежок празник.

Поголем број цркви во Македонија се посветени на светата маченица Недела, но и многу извори со лековити води, исто така се поврзани со името на оваа светица.